FSG sem á Liverpool er heldur betur að rífa upp veskið en félagið er á barmi þess að kaupa Pittsburgh Penguins sem leikur í NHL deildinni.
Um er að ræða ísokkí sem er risastór íþrótt í Bandaríkjunum en samkvæmt fréttum mun FSG borga 112 milljarða íslenskra króna.
Pittsburgh Penguins er eitt af stóru liðunum í NHL deildinni en félagið hefur unnið hinn merkilega Stanley bikar í tvígang.
Stuðningsmenn Liverpool hafa stundum pirrað sig á því hversu litlu FSG er tilbúið að eyða í leikmenn en peningarnir eru svo sannarlega til staðar hjá þeim.
FSG með John W Henry í forsvari fór inn í heim íþrótta árið 2002 þegar félagið keypti hafnarboltafélagið Boston Red Sox.
Síðar meir fór FSG inn í enska boltann og keypti Liverpool og að auki á félagið helming í Roush Fenway Racing sem keppir Í NASCAR.