Enginn neyðarfundur fór fram hjá stjórn Manchester United í gær eftir 0-5 tap gegn Liverpool á heimavelli. Fabrizio Romano telur þó ekki útilokað að fundað verði á næstu klukkutímum.
„Þeir taka lokaákvörðun á næstu klukkutímum. Þeir hafa hingað til stutt við Solskjær,“ sagði Romano um stöðu mála og á þar við um framtíð Ole Gunnar Solskjær.
Staða Solskjær er erfið, liðið hefur spilað illa á þessu tímabili og niðurlæging á heimavelli gæti verið síðasti naglinn í kistuna. Enskir veðbankar telja að starfa Solskjær hangi á bláþræði. Veðbankinn Skybet gefur stuðulinn 1,25 á það að Solskjær verði rekinn. Slíkur stuðull bendir yfirleitt til þess að eitthvað sé í vændum.
Solskjær er að hefja sitt þriðja heila tímabil og eftir góða takta í starfi virðist norski stjórinn nú vera á endastöð.
Romano kemur inn á það að Antonio Conte hafi áhuga á starfinu þrátt fyrir fréttir um annað. Engar formlegar viðræður hafa hins vegar átt sér stað þar.
No meeting in the night for Man Utd board. They’ll decide final position in the next hours/days – Solskjær has always been protected so far 🔴 #MUFC
Rumours about Antonio Conte ‘not considering’ Man Utd job were NOT true. But no official talks yet.
More: https://t.co/GWuyDk729j pic.twitter.com/mtGhQGrAnM
— Fabrizio Romano (@FabrizioRomano) October 25, 2021
Enski boltinn á 433 er í boði 
