Á eftir fer fram leikur á milli erkifjendanna í Liverpool og Manchester United og ríkir mikil spenna á meðal stuðningsmanna. Flestir telja að ef Manchester United eigi að ná í stig út úr leiknum þurfi Cristiano Ronaldo og Bruno Fernandes að vera upp á sitt allra besta.

Paul Merson telur portúgalana þó ekki vera mikilvægustu leikmenn liðsins. Hann telur að Scott McTominay sé mikilvægasti leikmaður liðsins og ætti að vera fyrstur á blað er Solskjaer stillir upp liðinu.

„Þeir verða að breyta til ef þeir ætla að fá eitthvað út úr leiknum. Sjáið Liverpool, þeim gengur aftur vel því það er svo mikil vinnsla í liðinu,“ sagði Merson í dálki sínum í Daily Star.

„Það er lítil vinnsla hjá United, það er auðvelt að spila gegn þeim. Þeir eru í vandræðum. Það er ekki gaman að horfa á þá þessa dagana.“

„Ég hef ekki hugmynd um hvernig þeir ætla að vinna Liverpool. en Scott McTominay ætti að vera fyrsta nafnið á blað, hann reynir allavega. United vantar fleiri svona leikmenn.“

Enski boltinn á 433 er í boði