Lionel Messi gekk til liðs við PSG í sumar eins og þekkt er vegna fjárhagsvandræða Barcelona sem gerðu það að verkum að félagið gat ekki samið við Argentínumanninn.
Á yfirborðinu lítur út fyrir að Messi sé sáttur hjá PSG en El Nacional greinir frá því að samband hans og Icardi sé verulega slæmt og sé farið að valda vandræðum í búningsklefa liðsins.
Icardi er ekki hrifinn af Messi en hann telur að Messi haldi honum frá Argentíska landsliðinu. Það er talið stafa af því að Messi og Maxi Lopez eru góðir félagar en Icardi hélt framhjá með fyrrum eiginkonu Lopez, henni Wöndu sem nú er gift Icardi.
Koma Messi til PSG er sögð hafa breytt dýnamíkinni í klefanum hjá liðinu og nú eru sögusagnir um að Icardi vilji fara vegna þessa. Helst vill félagið skipta á Icardi og Aguero sem er samningsbundinn Barcelona.