Það styttist í stórleik dagsins í ensku úrvalsdeildinni þegar Manchester United tekur á móti Liverpool. Að venju ríkir mikil spenna fyrir leik þessara liða og hefur mikil umfjöllun um leikinn verið í fjölmiðlum.
Jamie Carragher og Gary Neville fóru yfir sameiginleg lið liðanna og ræddu það í þætti sínum á Sky Sports. Báðir voru þeir sammála um að níu leikmenn Liverpool væru í liðinu en tveir frá Manchester United.
Af leikmönnum Manchester United valdi Carragher Mason Greenwood og Bruno Fernandes í sitt lið en Neville valdi Cristiano Ronaldo og Harry Maguire. Þeir voru nokkuð sammála með leikmenn Liverpool en Jamie Carragher var með Matip í vörninni en Neville hafði Firmino í sínu byrjunarliði. Lið þeirra má sjá hér að neðan.