Alfreð Finnbogason kom ekkert við sögu er lið hans, Augsburg, tapaði 4-1 fyrir Mainz í þýsku Bundesligunni.
Karim Onisiwo, Stefan Bell og Jonathan Burkardt komu heimamönnum í Mainz í 3-0 í fyrri hálfleik.
Andi Zeqiri minnkaði muninn fyrir Augsburg á 69. mínútu en Burkardt svaraði nánast um hæl með fjórða marki Mainz hinum megin á vellinum.
Alfreð sat á varamannabekk Augsburg í leiknum. Hann kom nýlega til baka úr meiðslum.
Augsburg er í sextánda sæti deildarinnar með aðeins 6 stig eftir níu leiki.