Það má með sanni segja að James McArthur, leikmaður Crystal Palace, hafi verið heppinn með að fá aðeins gult spjald, fyrir brot sitt á Bukayo Saka, leikmanni Arsenal í leik liðanna í gærkvöldi. Leiknum lauk með 2-2 jafntefli.
Atvikið átti sér stað á 42. mínútu. Saka var í þann mund að fara taka við boltanum þegar að McArthur sparkar af fullum krafti í kálfann á honum. Saka gat ekki haldið leik áfram og var skipt útaf í hálfleik. Atvikið má sjá hér fyrir neðan.
Yes, this should have been a red card for McArthur after aiming at Saka’s calf and injuring him in the process. pic.twitter.com/VMHC3LFlwF
— Has the Referee or VAR made a poor decision? (@PoorEPLreferees) October 18, 2021
Pierre-Emerick Aubameyang, framherji Arsenal, sá myndband af atvikinu á Twitter eftir leik og tjáði sig um það. ,,Hvernig er þetta ekki rautt spjald, ég sá þetta ekki svona í leiknum,“ skrifaði Aubameyang í við færslu sem birtist á Twitter.
Mikel Arteta, knattspyrnustjóri Arsenal var allt annað en sáttur í viðtali eftir leik. ,,Við þurftum að taka Saka af velli, hann gat ekki haldið áfram. Þegar að ég horfi aftur á þetta get ég ekki skilið hvernig leikmaðurinn getur fengið að halda leik áfram,“ sagði Arteta um atvikið. Hann var þá spurður að því hvort tæklingin hefði verðskuldað rautt spjald: ,,Að sjálfsögðu,“ var stutt og hnitmiðað svar.
Geoff 🗣 „No doubt in your mind, red card?“
Mikel 🗣 „Absolutely.“ 🙂
Mikel Arteta makes his feelings about James McArthur challenge on Bukayo Saka clear pic.twitter.com/29SXVsyPGy
— Football Daily (@footballdaily) October 18, 2021