Kristian Hlynsson, spilaði allan leikinn með unglingaliði Ajax sem fékk skell gegn Dortmund í Meistaradeild unglingaliða í dag. Leiknum lauk með 5-1 sigri Dortmund en leikurinn fór fram í Hollandi.
Kristian lék allan leikinn í liði Ajax sem var 3-1 undir er flautað var til hálfleiks.
Dortmund bætti síðan við tveimur mörkum í seinni hálfleik og fóru að lokum með 5-1 sigur af hólmi.
Ajax er eftir leikinn í 3.sæti C-riðils með 4 stig eftir þrjá leiki, þremur stigum frá Dortmund sem situr í efsta sæti riðilsins. Auk Dortmunds eru Sporting og Besiktas með Ajax í riðlinum.