Það má með sanni segja að Hákon Rafn Valdimarsson, hafi gripið gæsina þegar hún gafst er hann fékk óvænt tækifæri í byrjunarliði Elfsborgar í sænsku úrvalsdeildinni. Hákon fékk tækifæri í byrjunarliðinu eftir að aðalmarkvörður liðsins, Tim Rönning fékk að líta beint rautt spjald í leik gegn Mjallby á dögunum. Hákon hefur spilað tvo leiki í sænsku úrvalsdeildinni, ekki fengið á sig mark og uppskera liðsins eru sex stig af sex mögulegum.

Hinn 20 ára gamli Hákon Rafn gekk til liðs við Elfsborg frá Gróttu í júlí síðastliðinn. Elfsborg vann í gær öruggan 3-0 sigur á Djurgardens IF, liði sem situr í 2. sæti deildarinnar. Hákon var að vonum sáttur eftir sigur Elfsborgar í gær.

,,Þetta var ótrúlegt, það er svo gaman að leikinn fyrir framan svona marga stuðningsmenn, 3-0 sigur og þetta gæti ekki verið betra,“ sagði Hákon í viðtali eftir leik.

Hann segist ánægður með frammistöðu liðsins.

„Þetta var fín frammistaða í dag. Það var ekki svo mikið að gera, ég passaði mig þó á því að halda varnarmönnunum á tánum og varði nokkrum sinnum vel,“ sagði Hákon.

Tim Rönning hefur nú tekið út sitt leikbann en fróðlegt verður að sjá hvort Hákon haldi sæti sínu í byrjunarliðinu.

„Auðvitað vill ég spila en það er þjálfarinn sem ræður. Ég bjóst ekki við því að spila á þessu tímabili en þetta gerist hratt, eitt rautt spjald og ég fæ tvo leiki,“ sagði Hákon Rafn Valdimarsson, markvörður Elfsborgar í sænsku úrvalsdeildinni.

Elfsborg er sem stendur í 4. sæti ensku úrvalsdeildarinnar með 42 stig eftur 23 leiki,  tveimur stigum frá toppliði Malmö.

Hákon Valdimarsson: „Så roligt att spela inför så många människor, och att vinna med 3-0, det kan inte bli bättre“

Se Allsvenskan på discovery+ pic.twitter.com/RgzmcIUhhB

— discovery+ sport 🇸🇪 (@dplus_sportSE) October 18, 2021