Vanda Sigurgeirsdótir hefur setið í stóli formanns KSÍ í rúmar tvær vikur. Vanda var kjörinn til bráðabirgðar en hún getur endurnýjað umboð sitt í febrúar. Ársþing KSÍ fer þá fram en þá verður formaður kosinn til tveggja ára.
Þrátt fyrir að Vanda sé aðeins ný tekinn til starfa er mikið rætt um ársþingið innan knattspyrnuhreyfingarinnar. Brynjar Níelsson er einn af þeim sem orðaður er við Framboð.
Brynjar missti sæti sitt á Alþingi í nýliðnum kosningum. „Ég kannast við þetta, þegar menn eru atvinnulausir þá koma oft hugmyndir frá öðrum,“ sagði Brynjar í samtali við Fréttablaðið í dag en nokkur fjöldi hefur skorað á hann að fara í formann KSÍ.
Brynjar er ekki að íhuga það alvarlega en segir þó. „Það er búið að viðra nokkrar hugmyndir við mig. Ég get ekki sagt að ég hafi skoðað KSÍ framboð mjög alvarlega. Eina sem ég hef sagt er að ef það er almennur áhugi fyrir því í hreyfingunni, þá er ég klár í að skoða það.“
Fleiri eru orðaðir við framboð. Vanda hefur greint frá því að hún muni falast eftir endurkjöri. Samkvæmt Fréttablaðinu er Ríkharður Daðason orðaður við starfið. Þá er ekki útilokað að Guðni Bergsson bjóði sig fram á nýjan leik. Guðni sagði starfi sínu lausu í ágúst þegar sambandið var sakað um að hylma yfir meint kynferðisbrot landsliðsmanna.