fbpx
Föstudagur 26.nóvember 2021
433Sport

Lingard opnar sig um andlega líðan, vonbrigði og endurreisn – „Ég grét og hann grét líka“

Aron Guðmundsson
Fimmtudaginn 14. október 2021 10:42

GettyImages

Ekki missa af Helstu tíðindum dagsins í pósthólfið þitt

Lesa nánar

Saga Jesse Lingard undanfarið ár er ótrúleg. Hann var hvergi nálægt byrjunarliði Manchester United á fyrri hluta síðasta tímabils, fór á láni til West Ham í janúar á þessu ári og skaraði fram úr. Hann segir sögu sína í pistli sem hann birti á The players tribune.

Lingard hélt að hann hefði gert nægilega góða hluti með West Ham á seinni hluta tímabilsins til þess að verðskulda sæti í 26 manna hóp Garteth Southgate, landsliðsþjálfara Englands, fyrir Evrópumótið. Lingard hafði farið á láni til West Ham frá Manchester United á lokadegi félagsskiptagluggans í janúar. Hann átti eftir að slá í gegn í Lundúnum, spila 16 leiki, skora 9 mörk og gefa 5 stoðsendingar og eiga stóran þátt í því að liðið tryggði sér sæti í riðlakeppni Evrópudeildarinnar.

„Ég hélt að ég hefði gert nóg, ég bar virðingu fyrir ákvörðun Southgate en þegar að ég hringdi í Lou bróður minn og sagði honum frá þessu, grét ég og hann grét líka,“ skrifar Lingard í pistli sem hann birti á The players tribune.

GettyImages

Lou reyndist bjargvættur

Lingard hefur áður sagt frá því hversu mikið Lou, eldri bróðir hans, hjálpaði honum að koma sér aftur á gott skrið á meðan að hann var hjá West Ham. Lou flutti með Lingard til Lundúna, hjálpaði honum að trúa á sjálfan sig og skara fram úr.

Lingard ákvað snemma að svekkja sig ekki of mikið á því að vera ekki í EM hóp Englands. Hann tók þann pól í hæðina að vera stuðningsmaður liðsins sem átti eftir að komast alla leið í úrslitaleik mótsins þar sem liðið laut í lægra haldi fyrir Ítalíu.

„Ég var kannski ekki að spila á mótinu en ég var stuðningsmaður liðsins. Ég klæddi mig í ensku landsliðstreyjuna merkta Declan Rice númer 4 á bakinu og fór á pöbbinn með Lou og nokkrum vinum. Stemmningin þar, orkan var frábær,“ skrifar Lingard í pistlinum og hann hvetur leikmenn til þess að prófa þetta að minnsta kosti í eitt skipti, þetta muni gefa þeim annað sjónarhorn.

Lingard segir að sjálfsögðu vilji hann vera partur af lansliðshópi Englendinga í öllum landsliðsverkefnum. Hann var kallaður í landsliðshópinn eftir EM, nánar tiltekið í september.

„Ég kýs að líta á heildarmyndina. Í nóvember 2020 var ég hvergi nálægt því að verða hluti af landsliðshóp Englands, ég lét mig ekki einu sinni dreyma um það,“ skrifaði Jesse Lingard, leikmaður Manchester United.

GettyImages

 

Enski boltinn á 433 er í boði
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 10 klukkutímum

Davíð kominn aftur til Víkings R. – ,,Hér er verið að blása í herlúðra“

Davíð kominn aftur til Víkings R. – ,,Hér er verið að blása í herlúðra“
433Sport
Fyrir 11 klukkutímum

Víkingur staðfestir kaup á tveimur leikmönnum Breiðabliks

Víkingur staðfestir kaup á tveimur leikmönnum Breiðabliks
433Sport
Fyrir 14 klukkutímum

Henry Birgir segir málið sorgarsögu og gagnrýnir Vöndu: „Það var mikið fyllerí í kringum liðið“

Henry Birgir segir málið sorgarsögu og gagnrýnir Vöndu: „Það var mikið fyllerí í kringum liðið“
433Sport
Fyrir 14 klukkutímum

Leynd liggur yfir því hvernig uppgjöri við Eið Smára er háttað

Leynd liggur yfir því hvernig uppgjöri við Eið Smára er háttað
433Sport
Í gær

Ralf Rangnick hafnaði Chelsea á sínum tíma – „Ég er ekki bráðabirgðastjóri“

Ralf Rangnick hafnaði Chelsea á sínum tíma – „Ég er ekki bráðabirgðastjóri“
433Sport
Í gær

Sjáðu markið – Ísak Bergmann kemur FCK yfir

Sjáðu markið – Ísak Bergmann kemur FCK yfir