AFC Bournemouth hefur staðfest að miðjumaðurinn David Brooks hafi greinst með Hodgkins-eitilfrumuæxli. Um er að ræða tegund krabbameins.

Krabbameinið er annars stigs en Brooks sem er 24 ár gamall mun hefja meðferð strax í næstu viku.

„Þetta eru mjög erfið skilaboð fyrir mig að skrifa. Ég hef greinst með Hodgkins-eitilfrumuæxli og mun hefja meðferð í næstu viku,“ segir Brooks í yfirlýsingu.

„Horfurnar eru jákvæðar þrátt fyrir að þetta sé áfall fyrir mig og fjölskyldu mína. Ég vonast til að ná fullum bata og spila eins fljótt og hægt er.“

Brooks var í verkefni með landsliði Wales þegar æxlið greindist. „Mig langar að senda þakklæti til lækna, hjúkrunarfræðinga, ráðgjafa og starfsfólks sem hefur meðhöndlað mig.“