Juventus er líklegasti áfangastaður miðjumannsins Donny van de Beek í janúarglugganum ef marka má veðbanka Sky Bet. Van de Beek kom til Manchester United frá Ajax í ágúst 2020 en Hollendingnum hefur ekki tekist að negla niður sæti í liði Ole Gunnar Solskjaer.
Miðjumennirnir Fred, Scott McTominay, Paul Pogba, og Jesse Lingard eru allir fyrir framan van de Beek í goggunarröðinni en hann hefur verið hvattur af ýmsum knattspyrnuspekingum að leita á ný mið eftir að hafa fengið fá tækifæri hjá United.
Arsenal goðsögnin Ian Wright sagði að hann yrði að fara fyrst hann fengi ekki tækifæri með liðinu.
,,Mér finnst galið að hann hafi farið til Man Utd. Það er ekki eins og þeir myndu breyta leikstíl sínum fyrir Donny van de Beek.“
,,Hann verður að fara því þetta er ekki að virka fyrir hann. Hann mun ekki fá tækifæri til að spila. Hann ætti að gera það því hann er frábær leikmaður,“ sagði Wright.
Sky Bet tók saman lista yfir þau félög sem talin eru líklegustu áfangastaðir miðjumannsins ef hann fer frá United í janúarglugganum. Juventus er þar efst á lista en ensku félögin Newcastle, Everton og Tottenham eru einnig á listanum.
Listann má sjá hér að neðan.
Juventus – 5/1
Newcastle – 7/1
Everton – 8/1
Inter Milan – 8/1
Ajax – 16/1
Tottenham – 16/1