Guðlaugur Victor Pálsson verður ekki með íslenska A-landsliðinu gegn Lichtenstein í undankeppni Heimsmeistaramótsins 2022 annað kvöld. Knattspyrnusamband Íslands hefur staðfest þetta.
Guðlaugur Victor var í byrjunarliðinu gegn Armenum í 1-1 jafntefli á föstudag en hefur nú yfirgefið hópinn.
Blaðamannafundur fer fram síðar í dag þar sem Arnar Þór Viðarsson verður án efa spurður út í þetta.
Guðlaugur Victor Pálsson verður ekki með A landsliði karla gegn Liechtenstein á mánudaginn. Hann hefur þegar yfirgefið hópinn og haldið til síns félagsliðs. pic.twitter.com/DGMGMMFg7Z
— Knattspyrnusambandið (@footballiceland) October 10, 2021
Ísland er aðeins með 5 stig í undanriðli sínum eftir sjö leiki. Liðið er í næstneðsta sæti. Eini sigurleikurinn hingað til kom einmitt gegn Lichtenstein ytra.
Leikurinn annað kvöld hefst klukkan 18:45.