Gareth Southgate þjálfari enska landsliðsins segir að Jadon Sancho kantmaður Manchester United eigi að teljast heppinn að vera í enska landsliðshópnum.
Southgate valdi hóp sinn í gær en Sancho hefur lítið sem ekkert getað í upphafi ferilsins hjá Manchester United.
„Á Sancho skilið að vera í hópnum eftir frammistöðu sína síðustu vikurnar? Eflaust ekki,“ sagði Southgate.
„Ég vil fá tíma með honum til að ræða við hann og hjálpa honum að bæta sig vegferð hans hjá United. Ég vill að hann finni fyrir þeirri trú sem við höfum á honum.“
„Þýska deildin er öðruvísi. Dortmund er stór klúbbur en Manchester United er einn sá stærsti í heimi.
„Hann þarf tíma til að aðlagast, þú skilar ekki sömu tölum hér í mörkum og stoðsendingum og þú gerir í Þýskalandi.“
Enski boltinn á 433 er í boði 
