Kyle McLagan varnarmaður frá Bandaríkjunum hefur skrifað undir hjá Víkingi en hann kemur til félagsins á frjálsri sölu frá Fram þar sem samningur hans var á enda. Fram greinir frá þessu í yfirlýsingu.
Víkingur hafði boðað til fréttamannafundar klukkan 11:00 þar sem tilkynna átti um komu McLagan. Fram stal þeirri þrumu.
Kyle er 25 ára gamall en hann gekk í raðir Fram sumarið 2020 og hefur síðan þá leikið frábærlega.
McLagan hefur undafarna daga fundað með Arnari Gunnlaugssyni og Kára Árnasyni nýjum yfirmanni knattspyrnumála hjá félaginu.
Kyle var einn allra besti leikmaður Lengjudeildarinnar í sumar þegar Fram tapaði ekki leik og fór upp í efstu deilld.
Kári Árnason og Sölvi Geir Ottesen eru að leggja skó sína á hilluna og því varð félagið að festa kaup á varnarmanni.
