„Ég hef ekki fengið þau skilaboð, það er undir Arnari komið hvernig. Þetta er í fyrsta sinn sem ég er í hóp hjá A-landsliðinu í keppnisleik, maður er bara þolinmóður,“ sagi markvörðurinn knái Elías Rafn Ólafsson um stöðu mála. Elías Rafn er aðeins 21 árs gamall en hann hefur slegið í gegn á síðustu vikum.
Elías Rafn leikur með danska liðinu Midtjylland, hann fékk tækifæri á dögunum og hefur orðið að stjörnu á einni nóttu. Elías Rafn var kjörinn besti leikmaður danska fótboltans í september.
„Ef kallið kemur er maður klár, við erum með flotta markverði í Patta (Patrik Sigurður) og Rúnari. Þetta er val sem þjálfararnir verða að taka,“ sagði Elías Rafn um það hvort hann telji að hann byrji gegn Armeníu í undankeppni HM á föstudag.
„Við erum allir góðir vinir, það er hollt að hafa samkeppni um stöður. Það er gaman að vinna með þessum strákum,“ sagði Elías um markverðina þrjá sem nú berjast um að taka stöðuna sem Hannes Þór Halldórsson hefur gefið eftir.
Þrátt fyrir skjótan frama kemur Elías fyrir sem mjög jarðbundinn drengur. „Það gengur bara mjög vel, maður heldur sér niðri á jörðinni og er auðmjúkur. Þetta er búið að vera alvöru mánuður, það er gaman,“ sagði Elías.
Elías Rafn vann undir stjórn Arnars Viðarssonar og Eiðs Smára Guðjohnsen í U21 árs landsliðinu og hefur mikla trú á þeim. „Þetta eru sömu þjálfarar og við vorum með, þetta er svipað og var Í U21. Við ungu mennirnir þekkjum þeirra taktík og þjálfarana. þetta er skref upp á við,“ sagði Elías.
„Við þekkjum þjálfarana sem vorum í U21. Þekk, það er traust þarna á milli Ég hef fulla trú á að þeir geti búið til alvöru lið.“