Dele Alli leikmaður Tottenham hefur fundið ástina á nýjan leik en undanfarið hefur hann sést með Maria sem er dóttir Pep Guardiola, stjóra Manchester City.
Dele er 25 ára gamall en Maria er tvítug. Sáust þau saman á skemmtistað í London í maí en sambandið er enn í fullu fjöri.
Í gær sáust þau saman á Novikov veitingastaðnum í Mayfair hverfinu í London. Þau röltu svo saman á Starbucks þar sem þau fengu sér bolla. Novikov er staður ríka og fræga fólksins í London.
Dele sleit sambandi við Ruby May í febrúar en samband þeirra hafði staðið yfir í fimm ár.
Dele hefur átt erfitt innan vallar síðustu mánuði og ár en ástin leikur við hann utan vallar sem gæti hjálpað til við að finna gleðina innan vallar.