A landslið kvenna leikur á æfingamóti í Frakklandi í febrúar og mætir þar Frakklandi, Sviss og Noregi. Leikir Íslands fara allir fram á Stade Louis-Dugauguez í Sedan og fara þeir allir fram án áhorfenda.
Leikirnir verða fyrstu leikir Íslands undir stjórn nýs þjálfara en líklegast er að Þorsteinn Halldórsson, þjálfari Breiðabliks taki við liðinu.
Frakkland er í 3. sæti heimslista FIFA, Noregur í því ellefta, Ísland sextánda og Sviss nítjánda.
Leikir Íslands
17. febrúar – Frakkland – Ísland
20. febrúar – Ísland – Noregur
23. febrúar – Ísland – Sviss
