Manchester United vann í kvöld sterkan 3-2 sigur gegn Liverpool í enska bikarnum. Leikið var á Old Trafford í Manchester.
Sigurmark leiksins kom á 78. mínútu. Það skoraði varamaðurinn Bruno Fernandes sem tryggði Manchester United 3-2 sigur á nágrönnum sínum með marki beint úr aukaspyrnu.
„Við spiluðum vel, sköpuðum mikið af færum og settum meiri pressu á þá heldur en í síðasta leik á móti þeim,“ sagði Bruno um frammistöðu Manchester United í leiknum.
Hann er spenntur fyrir framhaldinu með liðinu.
„Þetta er draumur að rætast, að spila með þessu liði. Allir vita það og ég veit það núna að stuðningsmennirnir okkar eru ánægðir og munu eiga góða viku,“ sagði Fernandes í viðtali eftir leik.
Manchester United mætir West Ham United á heimavelli í næstu umferð enska bikarsins.
No stopping Bruno Fernandes 🔥#EmiratesFACup @ManUtd pic.twitter.com/gOCxdmJbOi
— Emirates FA Cup (@EmiratesFACup) January 24, 2021