Framherjinn Birta Georgsdóttir, hefur gengið til liðs við Breiðablik frá FH. Þetta kemur fram í tilkynningu sem var birt á Facebook síðu Breiðabliks.

Birta er fædd árið 2002 og  hefur spilað 48 leiki á sínum meistaraflokksferli. Hún er uppalinn hjá Stjörnunni en hefur spilað með FH undanfarin ár.

„Birta er hraður og sterkur framherji. Hún hefur þrátt fyrir ungan aldur þegar leikið 48 leiki í meistaraflokki og skorað 13 mörk. Þá á hún 25 landsleiki að baki með U16, U17 og U19 landsliðum Íslands. Við bjóðum Birtu hjartanlega velkomna í Breiðablik og hlökkum til að sjá hana á vellinum,“ segir í tilkynningu Breiðabliks.

Breiðablik eru ríkjandi Íslandsmeistarar. Liðið vann Pepsi-Max deild kvenna á síðasta tímabili.