Wayne Rooney hefur lagt knattpsyrnuskóna á hilluna og hefur verið ráðinn stjóri Derby til framtíðar. Rooney skrifaði undir tveggja og hálfs árs samning.

Rooney er 35 ára gamall og hefur spilað með Derby síðasta árið, hann hafði stýrt liðinu undanfarið eftir að Philipp Cocu var rekinn úr starfi.

Rooney hefur nú fengið starfið til 2023 og ákvað á sama tímapunkti að hætta í fótbolta. Rooney er markahæsti leikmaður í sögu Manchester United og enska landsliðsins.

Liam Rosenior, Shay Given og Justin Walker verða í þjálfarateymi Rooney. Auk Manchester Untied og Derby lék Rooney með Everton og DC United á ferlinum.

„Ég hef heillast af þeim hæfileikum sem Derby hefur sem félagið, heimavöllurinn, æfingasvæðið, gæði leikmanna og þeir ungu leikmenn sem eru hérna,“ sagði Rooney.

„Að fylgja í fótspor Brian Clough, Jim Smith, Frank Lampard og Phillip Cocu sem hafa stýrt Derby er heiður fyrir mig. Ég mun leggja mig allan fram, því get ég lofað.“

Enski boltinn á 433 er í boði