Dele Alli er aftur kominn í plön Jose Mourinho og virðist félagið ekki hafa áhuga á að losa sig við hann nú í janúar. Mourinho hefur lítið sem ekkert viljað nota Alli á þessu tímabili.
Mourinho hefur verið óhress með viðhorf Dele sem hefur orðið til þess að hann er oftar en ekki utan leikmannahóps Tottenham.
Dele var hins vegar í byrjunarliði Tottenham gegn Marine í enska bikarnum í gær og stóð sig vel. „Hann var með okkur í þessum leik en ég dæmi engan leikmann eftir svona leik,“ sagði Mourinho um Alli eftir leik.
„Hann hagaði sér eins og atvinnumaður og var með frábært viðhorf, það er það sem gleður mig.“
Mourinho sagði svo að líklega yrði Alli með í leiknum gegn Aston Villa á miðvikudag. „Ég yrði ekki hissa ef Alli myndi spila á miðvikudag.“
Talið var að Tottenham myndi reyna að losa sig við Alli nú í janúar. „Ég er mjög ánægður með viðhorf hans, við tókum engar áhættur vegna þess hvernig völlurinn var.“