Á næstunni geta lið vonandi komið fyrir Covid-klásúlu í samninga leikmanna sem lið fá á láni en ef það kemur fyrir að tímabilinu sé frestað geta lið átt rétt á því að rifta lánssamningi.

Mikið hefur verið um frestanir á leikjum í Ensku úrvalsdeildinni svo að það gæti komið sér vel að lið hafi réttindi að rifta samningi að kostnaðarlausu en smit í Ensku úrvalsdeildinni hafa aldrei verið fleiri eins og þessa stundina.

Klásúlan getur einnig tryggt liðum að sleppa við að borga laun leikmanna ef keppni fer ekki fram en mörg lið hafa átt í fjárhagsvandræðum síðan að faraldurinn skall á og einnig geta lið borgað lægri laun ef keppni fer áfram fram fyrir tómum leikvang þar sem að miðasölur eru stór tekjulind liða.

Í síðustu skimun Ensku úrvalsdeildarinnar komu 36 jákvæð sýni og eru mörg lið sem vilja fá tveggja vikna frestun á tímabilinu.