,,Cristiano er kynferðisafbrotamaður,“ sungu stuðningsmenn Aston Villa á leik liðsins gegn Manchester United í dag.

Þarna vísa þeir til ásakana á hendur Ronaldo þar sem hann á að hafa brotið kynferðislega á Kathryn Mayorga.

Mayorga steig fram í ítarlegu viðtali við Spiegel árið 2018 og ræddi um nauðgun sem hún sakar Cristiano Ronaldo, einn besta knattspyrnumann allra tíma um.

Mayorga segir að Ronaldo hafi nauðgað sér árið 2009, atvikið á að hafa átt sér stað í Las Vegas. Ronaldo hefur alltaf hafnað sök og aðilar tengdir honum ítrekað það.

Þar var Ronaldo í sumarfríi með vinum sínum áður en hann samdi við Real Madrid og varð dýrasti knattspyrnumaður í heimi. Lýsingarnar frá Mayorga eru afar óhugnanlegar en þar fer hún yfir málið í  smáatriðum. Hún skrifaði undir bréf þess efnis um að tjá sig aldrei um málið, fyrir það fékk hún talsverðar fjárhæðir.

Atvikið á að hafa átt sér stað þann 12. júní árið 2009, Mayorga var 25 ára á þeim tíma og vann við það að lokka gesti inn á skemmtistað. Þar hitti hún Ronaldo, á Rain skemmtistaðnum.

Þau fóru síðan á hótelið þar sem Ronaldo dvaldi og þar á hin meinta nauðgun að hafa átt sér stað. Ronaldo hefur alltaf neitað sök en það eina sem er ljóst er að hann greiddi Mayorga 375 þúsund dollara til að segja ekki orð.

Hér fyrir neðan má sjá stuðnigsmenn Aston Villa syngja um Ronaldo í dag. Þess má geta að Villa vann leikinn 0-1.

fair enough tbh pic.twitter.com/B6qa7uHGKb

— Kàž (@RashfordFannn) September 25, 2021