Andros Townsend, leikmaður Everton, er virkilega ánægður með Rafa Benitez, þjálfara liðsins, og þær aðferðir sem hann notar til að ná sem mestu úr leikmönnum sínum.

Sumum gæti þótt aðferðir Benitez gamaldags en Townsend vill hafa þetta nákvæmlega svona.

„Hann hrósar þér ekki. Þegar ég skoraði gegn Huddersfield kom hann ekki og hrósaði mér fyrir markið, hann sagði mér að ég hafi ekki farið í eitthvað hlaup, ekki gert þessa sendingu vel og hversu oft ég missti boltann,“ sagði Townsend við Sportsmail.

„Hann er alltaf að reyna að bæta þig og ég er mjög hrifinn af svoleiðis stjóra.“