Mino Raiola, umboðsmaður Paul Pogba, segir að leikmaðurinn gæti farið aftur til Juventus þegar að samningur hans hjá Man United rennur út næsta sumar.
Pogba hóf ferilinn hjá United en lék aðeins þrjá leiki 2011-12 tímabilið áður en hann flutti sig yfir til Ítalíu.
Frakkinn lék 124 leiki með Juventus og vann meðal annars fjóra Ítalíumeistaratitla á fjórum árum með félaginu áður en hann sneri aftur til Manchester árið 2016 fyrir tæpar 90 milljónir punda.
Corrielle dello Sport vitnaði í Raiola sem sagði í samtali við ítölsku sjónvarpsstöðina Rai Sport: „Samningur Ronaldo rennur út á næsta ári. Við munum tala við Man United og sjá. Turin hefur legið honum á hjarta og honum er annt um þessa hluti,“ sagði Raiola.
„Möguleikinn á að snúa aftur til Juventus er fyrir hendi en það veltur líka á Juve.“
Sky Sports News sagði frá því fyrr í vikunni að Pogba hefði þótt viðskipti Man United í sumarglugganum tilkomumikil og er nú opnari fyrir því að skrifa undir nýjan samning við félagið.
Solskjaer trúir því að endurkoma Ronaldo til United geti gert liðið aftur að siguvegurum og sannfært Pogba um að skuldbinda sig við félagið. Þegar hann var spurður út í stöðu samningsmála Pogba sagði Solskajer: „Það er undir okkur komið að sýna það og sanna að við getum unnið titla.
Ég held að allir þeir sem semja við United vilji vinna titla og vera hluti af sigurliði Manchester United.“
