Jóhann Berg Guðmundsson verður í eldlínunni þegar Burnley tekur á móti Arsenal í ensku úrvalsdeildinni á morgun. Burnley á eftir að vinna sinn fyrsta leik á tímabilinu.
„Arsenal hefur átt brösuga byrjun en náðu góðum sigri gegn Norwich í síðustu umferð. Þeir koma með meira sjálfstraust til leiks,“ sagði Jóhann Berg.
„Við vitum það að þeir hugsa um erfiðan leik á Turf Moor og við ætlum að gera þeim erfitt fyrir. Arsenal er alltaf með gott lið og spila fínan fótbolta. Þeir hafa nokkra frábæra leikmenn, við munum gera þeim erfitt fyrir og spyrja þá spurninga.“
„Byrjunin þeirra hefur verið brösug og því er tækifæri fyrir okkur á heimavelli til að koma tímabilinu af stað.“
Burnley er með eitt stig en gegn Brighton, Leeds og Everton hefur liðið komist yfir en ekki tekist að halda út.
„Við erum yfirleitt betri en þetta, vonandi kemur þetta á laugardag.“
Aukin samkeppni er hjá Burnley eftir að félagið keypt kantmanninn Max Cornet. „Það á að vera samkeppni um stöður í úrvalsdeildinni. Okkur vantaði það kannski í fyrra, það er frábært. Þú gefur meira í á æfingum. Samkeppni er heilbrigð.“
