Gini Wijnaldum, miðjumaður Paris Saint-Germain, segist ekki hafa fundið fyrir vilja frá Liverpool til að halda sér áður en hann yfirgaf félagið í sumar.
Hinn 30 ára gamli Wijnaldum fór frá Liverpool á frjálsri sölu til PSG í sumar. Lengi vel virtist sem svo að hann væri á leið til Barcelona. Hann tók svo U-beygju til Parísar.
,,Maður fylgir sannfæringunni. Fyrir mörgum mánuðuum hafði ég tjáð Liverpool það að ég vildi vera áfram þar. Án þess að fara út í smáatriði þá leið mér ekki eins og Liverpool vildi halda mér. Þegar það er staðan, þá verður þú að taka næsta skref,“ sagði Wijnaldum við L’Equipe um viðskilnaðinn við Liverpool.
Hollendingurinn var á mála hjá Liverpool í fimm ár. Hann kom þangað frá Newcastle United.
Hann var einn af fjölmörgum leikmönnum sem PSG fékk til sín í sumar. Franska félagið náði einnig í leikmenn á borð við Lionel Messi, Sergio Ramos, Gianluigi Donnarummar og Achraf Hakimi.
Enski boltinn á 433 er í boði 
