Stuðningsmenn Liverpool fengu hálfgert áfall í gær þegar Virgil Van Dijk settist í grasið og virtist meiddur í 6-1 sigri Hollands á Tyrklandi.

Van Dijk sem er þrítugur sleit krossband á síðustu leiktíð en er jafnt og þétt að nálgast sitt besta form.

Undir lok leiksins lenti Van Dijk í samstuði og sat í grasinu, hann hélt um ökkla sinn og stuðningsmenn Liverpool fóru að óttast það versta.

„Ég er í góðu lagi, ég hef jafnað mig. Kannski af því að ég er svona stór þá heldur fólk að ég sé með leikaraskap,“ sagði Van Dijk.

Van Dijk verður því klár í slaginn þegar Liverpool ferðast á Elland Road á sunnudag og mætir þar frísku liði Leeds.