Jack Grealish er að byrjaður að láta til sín taka á næturlífinu í Manchester en hann gekk í raðir Manchester City á dögunum. Grealish skellti sér út á lífið í borginni á sunnudag.
Grealish sást þar í heitum samræðum við Ellie Brown sem er þekktust fyrir þáttöku sína í Love Island sjónvarpsþáttunum.
Grealish er 25 ára gamall en Ellie er 23 ára, þau sáust ræða saman á veitingastað áður en þau enduðu á sama næturklúbbnum.
Bæði höfðu þau setið á snæðingi á Peter Street Kitchen áður en haldið var á Chinawhite skemmtistaðinn í borginni. Jack fór með félögunum sínum þangað áður en Ellie og vinir hennar bættust í hópinn.
„Drykkirnir flæddu um allt og þau voru að daðra allt kvöldið. Í eitt skiptið laumuðu þau sér út til að spjalla,“ sagði heimildarmaður enskra blaða.
View this post on Instagram
Grealish er þekktur glaumgosi en hann varð dýrasti leikmaður í sögu enska boltans þegar City keypti hann á 100 milljónir punda, hann skoraði sitt fyrsta mark á laugardag gegn Norwich í 5-0 sigri City. Hann fagnaði því með góðu djammi á sunnudag.
Grealish á enn í ástarsambandi við Sasha Attwood sem er æskuást hans, samband þeirra hófst á nýjan leik fyrr á þessu ári. Þrátt fyrir ástarsambandið er Grealish virkur á stefnumótaforritinu Raya sem er fyrir ríka og fallega fólkið.
