Ragnar Sigurðsson landsliðsmaður Íslands í knattspyrnu hefur verulegar áhyggjur af framtíð landsliðsins í fótbolta. Þetta kemur fram í viðtali við hann sem birtir á vef Morgunblaðsins í dag.

Ragnar sem er 35 ára gamall er mættur heim til Íslands og leikur nú með Fylki í efstu deild karla.

„Mér finnst við ekki eiga nægi­lega marga góða unga leik­menn eins og staðan er í dag,“ sagði Ragn­ar í Dag­mál­um, frétta- og menn­ing­ar­lífsþætti Morg­un­blaðsins.

Ragnar hefur spilað 97 landsleiki og farið á bæði EM og HM með landsliðinu. „Það er til fullt af efni­leg­um strák­um en þetta er ekki ná­lægt því að vera eins og þegar Jói [Jó­hann Berg Guðmunds­son] og Gylfi [Gylfi Þór Sig­urðsson] og fleiri komu inn í hóp­inn á einu bretti,“ sagði Ragn­ar.

„Það fer að koma tími á þetta lið sem við eig­um og von­andi fer maður að heyra fleiri nöfn nefnd til sög­unn­ar í kring­um landsliðið. Það eru marg­ir strák­ar að standa sig ágæt­lega er­lend­is en alls ekki nógu marg­ir,“ sagði Ragn­ar meðal ann­ars við Morgunblaðið.