Fjölnir tók á móti Aftureldingu í Lengjudeild karla í dag og vann öruggan sigur. Leikurinn var liður í 16. umferð.
Andri Freyr Jónasson kom heimamönnum yfir á 19. mínútu. Lúkas Logi Heimisson tvöfaldaði forystu þeirra stuttu fyrir leikhlé.
Eftir tæpan klukkutíma leik innsiglaði Vilhjálmur Yngvi Hjálmarsson svo 3-0 sigur Fjölnis.
Fjölnir er í fjórða sæti deildarinnar með 26 stig. Nú 7 stigum á eftir ÍBV, sem er í öðru sæti.
Afturelding er í níunda sæti með 19 stig. Liðið er þó 9 stigum frá fallsvæðinu.
