Grótta sigraði Þrótt Reykjavík á útivelli í Lengjudeild karla í kvöld. Leikurinn var liður í 16. umferð.
Gabríel Hrannar Eyjólfsson kom gestunum yfir eftir stundarfjórðungs leik. Það reyndist vera eina mark fyrri hálfleiks.
Gabríel var aftur á ferðinni í upphafi seinni hálfleiks þegar hann tvöfaldaði forystu Gróttu.
Sam Hewson minnkaði muninn fyrir Þrótt þegar um tíu mínútur lifðu leiks. Nær komust heimamenn þó ekki. Lokatölur 1-2.
Grótta er í fimmta sæti deildarinnar með 23 stig. Liðið siglir lignan sjó.
Þróttur er með 10 stig í ellefta sæti, 5 stigum frá öruggu sæti.
