Ef Jurgen Klopp stjóri Liverpool ætlar að kaupa leikmenn þá verður hann fyrst að selja leikmenn sem fyrir eru. Klopp vill ekki stærri leikmannahóp en hann hefur í höndunum í dag.
Stuðningsmenn Liverpool hafa kallað eftir frekari styrkingum en Liverpool hefur í sumar krækt í Ibrahima Konate í hjarta varnarinnar.
„Það er opinn gluggi og allir eiga von á því að við fáum leikmenn, við sjáum hvað gerist,“ sagði Klopp.
„Förum í gegnum hópinn okkar, viltu nýjan bakvörð? Nýjan markvörð? Við erum með góða leikmenn þer.“
„Á miðsvæðinu höfum við mikla reynslu í Thiago, Fabinho, (Jordan) Henderson, Alex Oxlade-Chamberlain og Naby Keita.“
„Við erum líka með spennandi leikmenn í Harvery Elliott og Crutis Jones. Framarlega erum við svo með Sadio Mane, Roberto Firmino, Mohamed Salah, Diogo Jota, Xherdan Shaqiri, Takumi Minamino og Divock Origi. Ég er eflaust að gleyma einhverjum því við erum með stóran hóp.“
„Það þarf breytingar við og við en það þarf að vera pláss til þess. Við viljum ekki hafa fleiri leikmenn, ef eitthvað gerist þá gerist það en ég vil ekki stærri hóp.“
