Thomas Mikkelsen fyrrum framherji Breiðabliks hefur skrifað undir samning við Kolding í heimalandi sínu Danmörku.
Kolding leikur í þriðju efstu deild, Mikkelsen óskaði eftir því að rifta samningi sínum við Breiðablik í síðustu viku.
Persónulegar ástæður voru fyrir því en Kolding krækti í Mikkelsen sem skoraði 63 mörk í 84 leikjum fyrir Breiðablik.
Mikkelsen var úti í kuldanum hjá Óskari Hrafni Þorvaldssyni undanfarnar vikur en er nú mættur heim til Danmerkur.
Mikkelsen hefur lofað því að spila aldrei fyrir annað lið á Íslandi en Breiðablik.
