Stelpurnar þrjár sem fóru með Wayne Rooney upp á hótel í miðborg Manchester á dögunum fá allar talsvert magn af morðhótunum. Ein af þeim er Tayler Ryan sem er 21 árs gömul líkt og allar stelpurnar þrjár. Hinn 35 ára gamli Rooney djammaði nefnilega með þremur 21 árs gömlum stúlkum lengi fram eftir á dögunum.
Rooney, sem er giftur og á fjögur börn, sem og nokkrir félagar hans eru sagðir hafa boðið stúlkunum á VIP-borð sitt á skemmtistaðnum Chinawhite í Manchester. Eftir á er Rooney sagður hafa farið á hótelherbergi stelpnanna ásamt tveimur félögum sínum. Þó kemur fram að ekkert af kynferðislegum toga hafi átt sér stað. Rooney er hins vegar sagður hafa hrósað stelpunum mikið fyrir útlit sitt.
Rooney er svo sagður hafa dáið áfengisdauða í stól á hótelherberginu. Þá fóru stelpurnar að atast í honum. Ein þeirra tók til að mynda mynd af sér þar sem hún rak rassinn á sér í andlit Rooney. Rooney vaknaði svo á hótelherberginu. Hann var fljótur að láta sig hverfa. Í kjölfarið deildu stelpurnar myndum af honum frá kvöldinu áður á samfélagsmiðlum. Þær urðu fljótar að dreifast út um allt.
„Þær hafa allar fengið morðhótanir og eru skíthræddar við það,“ sagði heimildarmaður enskra blaða. Coleen Rooney eiginokna Wayne stendur með sínum manni eftir atvikið.
