Sævar Atli Magnússon fór í sitt fyrsta viðtal við heimasíðu Lyngby frá því hann gekk í raðir félagsins í dag.

Hinn 21 árs gamli Sævar Atli kemur frá Leikni Reykjavík og skrifar undir þriggja ára samning.

,,Þetta eru miklu stærra en ég hélt, völlurinn, starfsfólkið, aðstaðan. Ég kem frá litlu félagi svo ég er í smá sjokki,“ sagði Sævar Atli.

Framherjinn sagðist aðeins hafa séð til Lyngby. Honum finnst liðið gott.

,,Ég veit ekki mikið um félagið en það sýndi mér mikinn áhuga. Ég horfði á leikinn gegn Fremad Amager og liðið er með mikil gæði. Það mun taka smá tíma að komast inn í hlutina en ég held að ég verði betri í fótbolta hérna.“

Sævar Atli mun starfa með Frey Alexanderssyni hjá Lyngby. Sá síðarnefndi er þjálfari liðsins. Sævar er spenntur fyrir því að vinna með Frey.

,,Hann þjálfaði liðið mitt, Leikni. Hann var þjálfari aðalliðsins frá 2013 til 2015 og gerði frábæra hluti. Svo ég þekki hann aðeins, hann var alltaf á svæðinu. Hann er frábær þjálfari og lofar góðu.“

Lyngby mætir Esbjerg í dönsku B-deildinni á laugardag. Sævar var hissa að heyra hversu mörgum áhorfendum megi búast við á leikinn.

,,Ég heyrði að það yrðu kannski 3 þúsund manns á leiknum og það mun vera mesti fjöldi sem ég hef spilað fyrir framan. Svo ég er mjög spenntur.“

MØD SÆVAR 💙🤗
Efter få timer i klubben sætter Sævar Atli Magnússon ord på mødet med Lyngby Boldklub og fortæller lidt mere om, hvem han er – og hvad de kongeblå fans kan forvente af ham. #Magnusson21 #SammenforLyngby pic.twitter.com/aYPaaB9XbR

— Lyngby Boldklub (@LyngbyBoldklub) August 5, 2021