Unai Emery, knattspyrnustjóri Villarreal, var allt annað en sáttur með að leikmaður hans, Juan Foyth, hafi fengið rautt spjald í æfingaleik gegn Marseille í gær. Það endaði svo með því að hann sjálfur fékk að líta rauða spjaldið.
Emery, sem er fyrrum stjóri Arsenal, var æfur út í dómarann fyrir þá ákvörðun að reka Foyth út af. Eftir að hafa kvartað mikið fékk hann svo rautt spjald.
Í kjölfarið kallaði hann að Jorge Sampaoli, stjóra Marseille. Það var hinn síðarnefndi alls ekki sáttur með og þurfti að halda aftur af honum þar sem hann ætlaði að æða í átt að Emery.
Myndband af þessu má sjá hér fyrir neðan.
