James Maddison var ekki í hóp hjá Leicester í dag í æfingaleik gegn Queens Park Rangers. Það sem vakti athygli er að ekki var gefin upp nein sérstök ástæða fyrir því.
Sky Sports, sem og fleiri miðlar, hafa orðað hinn 24 ára gamli Maddison við Arsenal undanfarið. Það hefur þó verið rætt um upphæð upp að 70 milljónum punda sem Skytturnar þyrftu að punga út.
Það að ekki hafi verið gefin ástæða fyrir fjarveru Maddison í dag vakti athygli margra. Það ýtti undir þá umræðu um að miðjumaðurinn gæti verið á förum.
Maddison hefur verið á mála hjá Leicester síðan 2018. Þá kom hann frá Norwich.
Hann hefur skorað 27 mörk og lagt upp önnur 20 í 118 leikjum fyrir félagið.
