Arsene Wenger er orðaður við stöðu landsliðsþjálfara Sviss. Fjallað er um þetta í fjölmiðlum þar í landi.

Wenger hefur ekki gegnt knattspyrnustjórastarfi frá því hann hætti hjá Arsenal árið 2018. Hann hafði verið hjá félaginu í 22 ár.

Hann hefur undanfarið unnið við framþróun knattspyrnunnar á heimsvísu á vegum FIFA.

Vladimir Petkovic hætti sem landsliðsþjálfari Sviss eftir Evrópumótið til þess að taka við Bordeaux í efstu deild Frakklands. Starfið er því laust.

Knattpsyrnusamband Sviss vill fá reynslumikinn mann til að taka við starfinu þar sem nokkuð stutt er í heimsmeistaramótið í Katar. Það hefst í nóvember á næsta ári.

Ásamt því að vera frábær knattspyrnustjóri er Wenger talinn vera góður kostur í starfið vegna tungumálakunnáttu sinnar. Leikmenn Svissnesska landsliðsins tala ýmist frönsku, ítölsku eða þýsku.