Valur vann öruggan sigur á Fylki í Pepsi Max-deild kvenna í leik sem er nýlokið. Spilað var á Wurth-vellinum í Árbæ. Leikurinn var liður í 12. umferð.

Fylkir hóf leikinn mjög vel og komst yfir strax á 5. mínútu með marki Bryndísar Örnu Níelsdóttur.

Gestirnir komust þó fljótlega í gang og var Mist Edvardsdóttir búin að jafna fyrir Val á 13. mínútu. Stuttu síðar voru Valskonur búnar að snúa leiknum sér í hag þegar Mist skoraði sitt annað mark.

Það vor svo á 17. mínútu sem Cyera Makenzie Hintzen skoraði þriðja mark Vals.

Staðan í hálfleik var 1-3.

Seinni hálfleikurinn var fremur rólegur og spilaðist Val í hag, í ljósi forystu þeirra.

Valur setti þó tvö mörk á heimakonur á síðasta stundarfjórðungnum.

Fyrst gerði Ásdís Karen Halldórsdóttir endanlega út um leikinn með fjórða marki Vals. Það var svo Elín Metta Jensen sem innsiglaði 1-5 sigur þeiira með marki í blálokin.

Valur er á toppi deildarinnar með 32 stig, 4 stigum meira en Breiðablik.

Fylkir er í vandræðum. Þær hafa 9 stig í neðsta sæti, 2 stigum frá öruggu sæti í deildinni.