Tómas Þór Þórðarson, sparkspekingur með meiru, rifðjaði upp í þættinum Chess After Dark í gær þegar hann laug að fyrrum Manchester United-stjörnunni Dimitar Berbatov.
Tómas var að störfum hjá Símanum Sport, þar sem hann sér um umfjöllun um ensku úrvalsdeildina, þegar atvikið kom upp. Hann var að fara að taka viðtal við Berbatov.
Hann ákvað að létta andrúmsloftið fyrir viðtalið og spyrja Búlgarann út í ævisögu sem hann hafði nýlega gefið út.
,,Ég spurði hann ‘hvernig gengur með bókina?’. Þá var hann nýbúinn að gefa út ævisöguna. Hann sagði ‘já, bara vel. Á ég að senda þér áritað eintak?’ Í staðinn fyrir að segja já þá lýg ég að honum. Ég sagði ‘ég er búinn að kaupa hana en á eftir að lesa hana’. Ég hef ekki þorað að tala við hann síðan ef hann skyldi spyrja ‘hvernig fannst þér bókin’,“ sagði Tómas í þættinum.
,,Ég veit ekki einu sinni af hverju ég gerði það,“ bætti hann við.
Berbatov lék sem framherji á ferli sínum en lagði skóna á hilluna árið 2018. Hann lék með Man Utd á árunum 2008 til 2012. Hann skoraði 56 í 149 leikjum fyrir félagið.