Juventus vill selja Aaron Ramsey í sumar og mun klúbburinn gera allt sem í þeirra valdi stendur til að það gangi upp.

Ýmsir miðlar á Ítalíu segja að Ramsey hafi ekki ennþá lært neina ítölsku og geti ekki tjáð sig við blaðamenn eða liðsfélaga.

Juventus er í miklum fjárhagsvandræðum eftir Covid-19 faraldurinn og myndi það hjálpa félaginu töluvert að losna við Ramsey þar sem hann er á ansi háum launum hjá félaginu og mikið meiddur.

Gazzetta dello Sport segir frá því að Tottenham hafi mikinn áhuga á leikmanninum en Nuno vill styrkja miðsvæðið og telur að Ramsey væri góður kostur þar.

Ramsey kom til Juventus árið 2019 eftir 11 ár hjá Arsenal. Hann var spurður að því 2018 hvort hann myndi vilja spila fyrir Tottenham á einhverjum tímapunkti á ferlinum og því svaraði leikmaðurinn neitandi.