Arsenal íhugar að gera nýtt 25 milljóna punda tilboð í Aaron Ramsdale, markvörð Sheffield United. Sky Sports greinir frá þessu.
Arsenal hefur þegar gert tvö tilboð í markvörðinn í sumar. Það nýjasta er talið hafa hljóðað upp á 18 milljónir punda, ásamt hugsanlegum aukagreiðslum sem hefðu getað ýtt heildartölunni upp fyrir 25 milljónir punda. Sheffield United hafði þó ekki áhuga á því.
Hinn 23 ára gamli Ramsdale kom til Sheffield frá Bournemouth fyrir síðustu leiktíð. Hann féll í B-deildina með liðinu. Ramsdale var þó valinn í landsliðshóp Englands fyrir Evrópumótið í sumar.
Markvörðurinn Rúnar Alex Rúnarsson er á mála hjá Arsenal en er á förum til Altay Spor í Tyrklandi, á láni.
Enski boltinn á 433 er í boði 
