Emile Smith Rowe hefur skrifað undir nýjan samning við Arsenal. Sá gildir til ársins 2026. Félagið hefur staðfest þetta.
Smith Rowe hefur verið mikið í umræðunni í sumar. Hann hefur til að mynda verið orðaður við Aston Villa.
Þessi tvítugi sóknarsinnaði miðjumaður sprakk út á síðustu leiktíð í treyju Arsenal. Hann var byrjunarliðsmaður frá áramótum eða svo.
Nú hefur hann skuldbundið sig Arsenal næstu fimm árin. Það var haldið upp á það með því að veita honum treyju númer 10.
New season, new contract, new number. #ESR10 #MadeInHaleEnd pic.twitter.com/2JI1Lo9J1Y
— Emile Smith Rowe (@emilesmithrowe) July 22, 2021