Þeir Viktor Karl Einarsson og Jason Daði Svanþórsson, leikmenn Breiðabliks, eru undir smásjá liða utan landssteinanna. Þetta kom fram í hlaðvarpsþættinum Dr. Football.
Jason Daði er 21 árs gamall og leikur aðallega sem kantmaður. Viktor Karl er 24 ára gamall. Hann getur leyst hinar ýmsu stöður á miðjum vellinum.
Breiðablik er í öðru sæti Pepsi Max-deildarinnar með 22 stig. Þeir eru 5 stigum á eftir toppliði Vals en eiga þó leik til góða. Hörður Snævar Jónsson, sem stýrði nýjasta þætti Dr. Football, segir að ekki sé góður tími til að selja leikmenn frá sér núna, ætli liðið sér að berjast um titilinn.
,,Ef að Blikar ætla að gera sig gildandi í toppbaráttu þá geta þeir varla farið að selja fleiri menn. Þeir væntanlega afþakka allt tal um að selja þegar þeir eru komnir í dauðafæri á titli.“
