Kristján Óli Sigurðsson sérfræðingur Dr. Football sat í felum í Kópavogi í gær og sá áhugaverðan mann labba inn í Smárann í Kóapvogi. Kristján segist hafa séð Þórir Jóhann Helgason leikmann FH þar labba inn í viðræður við Breiðablik.

Samningur Þóris við FH er á enda í haust og því er Breiðablik frjálst að ræða við hann og kæmi hann á frjálsri sölu í haust. Þórir er einnig á blaði Vals samkvæmt heimildum 433.is.

„Ekki í fyrsta skipti,“ sagði Kristján Óli Sigurðsson í Dr. Football í gær um að hann hefði legið í felum í Kópavogi í gær.

Þórir er fæddur árið 2000 en hann lék sinn fyrsta A-landsleik á dögunum, hann hefur spilað 11 leiki í efstu deild í sumar en ekki skorað mark.

„Ég sá leikmann sem langar að spila skemmtilegan fótbolta, Þórir Jóhann Helgason. Óskar Hrafn sér hann væntanlega sem miðjumann, það var verið að deala um kaupa og kjör. Ég trúi ekki að hann nenni þessu þroti í Hafnarfirði.“

Þórir ólst upp í Haukum en gekk svo í raðir FH; Ólafur Már Sigurðsson bróðir Gylfa Þór Sigurðsson er umboðsmaður hans.