Stjarnan tók á móti KA í 32-liða úrslitum Mjólkurbikars karla í gær. KA tryggði sér farseðilinn í 16-liða úrslitin með flautumarki en um var að ræða ólöglegt mark.

Fyrri hálfleikur var nokkuð fjörugur en hvorugt liðið náði þó að koma boltanum inn. Emil Atlason braut ísinn á 57. mínútu og leit allt út fyrir að Stjörnumenn færu áfram í bikarnum. KA-menn voru á öðru máli og jafnaði Sebastian metin á 86. mínútu. Allt stefndi í framlengingu þar til Elfar Árni Aðalsteinsson skoraði ótrúlegt mark á lokasekúndum leiksins. Þá varð misskilningur í vörn Stjörnumanna og boltinn barst inn fyrir vörnina en fór út af vellinum.

Bryngeir Valdimarsson aðstoðardómari sem hefði átt að sjá atvikið eða Erlendur Eiríksson dómari leiksins tóku ekki eftir því að boltinn væri löngu farinn út af vellinum.

Leikurinn hélt áfram og Elfar Árni skoraði í autt markið, Stjörnumenn brjálaðir enda ljóst að um sigurmark væri að ræða.

Þorkell Máni Pétursson og fleiri hafa farið yfir atvikið á samfélagsmiðlum. „Geri ráð fyrir að þessi línuvörður á Stjarnan – KA verði í frí fram að næsta em,“ skrifaði Máni á EM.

Geri ráð fyrir að þessi línuvörður á Stjarnan – KA verði í frí fram að næsta em.

— Máni Pétursson (@Manipeturs) June 23, 2021