Eins og í flestum umferðum í efstu deildinni í Noregi þá voru nokkrir Íslendingar á ferðinni þar í dag.
Alfons Sampsted lék allan leikinn fyrir Bodo/Glimt í 7-2 sigri á Stromsgodset. Hann lagði upp þriðja mark liðsins. Valdimar Þór Ingimundarson kom inn á sem varamaður fyrir Stromsgodset og spilaði í rúmar 20 mínútur. Bodo/Glimt er á toppi deildarinnar með 19 stig eftir átta leiki. Stromsgodset er í áttunda sæti með 7 stig eftir sex leiki.
Emil Pálsson byrjaði inni á og lék í rúma klukkutstund er Sarpsborg tapaði 4-1 gegn Molde. Sarpsborg er í tíunda sæti deildarinnar með 6 stig eftir sex leiki.
Viðar Örn Kjartansson var ekki með Valarenga í 1-1 jafntefli gegn Odd þar sem hann er að glíma við meiðsli. Lið hans er í fimmta sæti deildarinnar með 12 stig eftir átta leiki.
